Aprèp un trabalh a l’entorn de l’alimentacion, faguèrem una degustacion de formatges.
Aprenguèrem que lo formatge es fach amb de lach de vaca, de feda o de cabra.
Lo formatge serà al lach cru o al lach pasteurizat.
Tastèrem diferents formatges : « Maroilles, Tome de chèvre, Roquefort, Morbier e Comté ».
Cadun balhèt sas preferéncias…
Las mars e las mars grandas que cobrisson 71% de la susfàcia de la tèrra son essencialas per l’umanitat.
Gràcias a la preséncia dels vegetals marins, la mar granda libera mai d’oxigèn dins l’atmosfèra que totas las forèts del monde.
La mar granda jòga un ròtle fondamental dins la regulacion del climat e dins l’equilibre social, economic e environamental dins totes los païs del monde.
Dependem donc cadun sus aquesta planèta de la mar quitament se vivèm mai o mens aluènhar del bòrd de mar.
Aprèp aquestes constats me pareisià important ongan de trabalhar sus aquesta tèma per començar de sensibilizar los enfants al mitan marin.
(Coma vivèm pròcha de la mar s’apuèjarem d’autan mai sul viscut dels enfants, lors representacions, lors coneissencias inicialas.)
Lo projèct permetrà als escolans :
Aurem los pes dins l’aiga l’annada tota , per aquò me pareis judiciós de se pausar aquesta primièra question: L’aiga qu’es aquò?
Divendres 11 de genièr, anarem a la mediatèca.
Vegèrem una mòstra suls orses. Era fòrça interessant !
Aprenguèrem qu’existissia 8 menas d’orses.
La majora part se trapam en Asia.
Descobriguèrem qu’un ors iverna (il hiverne, mais n’hiberne pas).
A la fin de la vesita de la mòstra, posquèrem jogar tranquillament
e se pausar sus un ors en pelussa gigantàs !
Lo jornal
Ongan, nòstre jornal se sona « Lo rainal ».
Capitèrem de sortir lo primièr de l’annada al mes de decembre.
I podèm legir de tèxtes d’enfants, d’articles sus d’unas sortidas….
La classa GS/CP
Pel gostar de la fèsta de Nadal, cada classa aprestèt una doçor…
Nòstra classa faguèt de ròsas de sabla e un Napolitan.
Vos balham la recepta del pastisson « Lo Napolitan ».
Vos desiram bon profièch !
La classa GS/CP.
Dempuèi la dintrada de las vacanças de Totsants e fins a las vacanças de Nadal, seguissèm una iniciacion al rugbi amb d’ educators de l’escòla de rugbi dels Cheminots.
Cada dijòus de matin, Jean-Luc, qu’es lo president del club, e Alex nos fan jogar e nos explican las règlas d’aqueste jòc coma : pas jamai far de passas davant, jamai recular amb lo balon en man, aplatir lo balon darrèr la linha per marcar un ensag…
Fasèm d’exercicis per aprene la tecnica e acabam per una partida.
Téo Sablier, Matis Benech, Lonny Soules e Alexis Oustry.
Lo divendres 30 de novembre, anèrem visitar « la boita de musica ». Lo mossur nos faguèt escotar de musica e nos mostrèt d’òrgues de Barbarie, una aviá mai de cent cinquanta ans ! Nos expliquèt que son mestièr èra de fargar de « cartons » per poder jogar de musica amb aqueles instruments. A la fin, nos faguèt cantar e nos acompanhèt amb una òrgue de Barbarie.
Priam Bru-Baliguian
Anèrem al CIRDOC, veire una mòstra de mòbles. Cada mòbles aviá una istòria que nos contava lo mossur.
Cada mòble èra fargat amb de material de recuperacion (de carton, de fèrre, de fusta…). Sus cada mòble una frasa èra escricha per presentar l’istòria.
I aviá tanben una veitura, qu’aviá fargada, e i montèrem dedins.
Louann Collyn, Mathilde Pontello e Clarrisse Aniorte.
Aquest’an dins lo vivarium avèm de fasmes.
Puèi observam d’insèctes o d’animals menats generalament pels enfants.
Aital posquèrem observar :
– un prega-diu que se noiriguèt de fasmes e sautarelas abans de faire son ootèca.
– dos grapauds que s’amagavan dins la tèrra.
– de gendarmas
– una cagaraula
Lo prega-diu que manja un fasme
Un grapaud
Puèi, per favorizar la biodiversitat, bastiguèrem una ostalariá pels insèctes.
L’ostalariá a insèctes
Avèm fabricat una ostalariá a insèctes.
Servís a protegir los insèctes pendent l’ivèrn.
D’unes insèctes pondon dedins.
Oscar Ferré e Enzo Taurines
