Classa d’Olivièr

Carnaval – Classa de CM

par

Lo carnaval 2019 se debanèt lo dissabte 16 de març. Partiguèrem de la plaça Jean Jaures per anar fins a la plaça del 14 de julh. Amb las classas de CM, daissèrem lo passacarrièra un pauc abans per aver lo temps de far una repeticion del jutjament.
Faguèrem lo jutjament amb las tres classas de CM de las calandretas de Besièrs. Coma de costuma, lo rei Cranaval foguèt cremat sus la plaça publica.
La fèsta se contunhèt la tantossada amb una serada amb los parents.

Camille Chamboredon e Maélie Bourva.

 

Lo rugbi

par

Dempuèi la dintrada de las vacanças de Totsants e fins a las vacanças de Nadal, seguissèm una iniciacion al rugbi amb d’ educators de l’escòla de rugbi dels Cheminots.
Cada dijòus de matin, Jean-Luc, qu’es lo president del club, e Alex nos fan jogar e nos explican las règlas d’aqueste jòc coma : pas jamai far de passas davant, jamai recular amb lo balon en man, aplatir lo balon darrèr la linha per marcar un ensag…
Fasèm d’exercicis per aprene la tecnica e acabam per una partida.

Téo Sablier, Matis Benech, Lonny Soules e Alexis Oustry.

 

 

La boita de musica

par

Lo divendres 30 de novembre, anèrem visitar « la boita de musica ». Lo mossur nos faguèt escotar de musica e nos mostrèt d’òrgues de Barbarie, una aviá mai de cent cinquanta ans ! Nos expliquèt que son mestièr èra de fargar de « cartons » per poder jogar de musica amb aqueles instruments. A la fin, nos faguèt cantar e nos acompanhèt amb una òrgue de Barbarie.

Priam Bru-Baliguian

Los mòbles modèsts

par

Anèrem al CIRDOC, veire una mòstra de mòbles. Cada mòbles aviá una istòria que nos contava lo mossur.

Cada mòble èra fargat amb de material de recuperacion (de carton, de fèrre, de fusta…). Sus cada mòble una frasa èra escricha per presentar l’istòria.
I aviá tanben una veitura, qu’aviá fargada, e i montèrem dedins.

Louann Collyn, Mathilde Pontello e Clarrisse Aniorte.

Lo rugbi

par

Dempuèi la dintrada de las vacanças de Totsants e fins a las vacanças de Nadal, seguissèm una iniciacion al rugbi amb d’ educators de l’escòla de rugbi dels Cheminots.

Cada dijòus de matin, Jean-Luc, Manu e Alex nos fan jogar e nos explican las règlas d’aqueste jòc coma : pas jamai far de passas davant, jamai recular amb lo balon en man, aplatir lo balon darrèr la linha per marcar un ensag…

Acabam totjorn per una partida, 12 contre 12.

Elisa Baccou e Lilian Michel.

Lo musèu

par

Amb la classa, anarem al musèu de Besièrs per participar a una animacion qu’aviá per tèma «  Los animals de Trencavel ». Faguèrem un talhièr d’arts visualas, onte cadun farguèt son blason al biais del temps de Trencavel.

 Participèrem tanben a una mena de caça al tresaur. Amb l’ajuda d’indicis, deviám respondre a un questionari, e las responsas se trapavan sur d’òbras (estatuas, pintruras, maquetas…) del temps de Trencavel.

Fiorenzo Julliard e Maxime Olcina.

 

Lo karaté

par

Un divendres de novembre, èrem convidats per una iniciacion al karaté dins una sala a costat de l’escòla. L’acuèlh foguèt fòrça plan.

Comencèrem doçament per un escaufament. D’unes enfants de la classa carguèrem lor kimono.

Aprenguèrem qualques còps coma « lo còp de punt martèl » o lo còp de genolh, per aquò far, tustèrem sus de raquetas mòlas.

Faguèrem tanben un footing e vegèrem los tres biaisses de s’assetar en karaté.

A la fin los professors nos faguèron una demostracion de combat. Era fòrça plan.

Téo Sablier, Matis Benech e Louann Collyn.