Lo 15 de mai, partiguèrem en carrí per anar a La Canova en classa de descobèrta. Erem tres classas, la del correspondents, los CM dels Falabreguièrs e la nòstra. Calguèt s’arrestar sovent que quatre enfants raquèron. Arribèrem dins un polit endrech, una anciana bòria dins la verdura.
En Croscat
Tre que sèm arribats, avèm vist lo volcan d’En Croscat. I aviá una gròssa colada de lava, èra impressionant.
Eloan Charles
Los jòcs sul volcan Santa Margarita
Dins lo volcan de santa Margarita tot lo monde jogava. Sautaviám d’un costat a l’autre d’un rèc.
Qualques son tombats.
Nos sèm plan regalats.
Maël Tournemile
Cossí s’orientar ?
Lo darrièr jorn faguèrem una passejada. Jaume,l’animator, nos expliquèt que se agacham la camba de l’arbre, lo costat ont i a de mossas nos indica lo nòrd. Aprèp la passejada nos sèm assetats e Jaume nos a dich que podiám amassar de pèiras volcanicas.
Zoé Viossat
La fageda
La fageda es una granda forèst de faus e se ditz qu’aquela forèst es un pauc magica. Dison que i a de fadas e de farfadets. Lo guide nos diguèt que d’arbres tombèron pendent una tempèsta. Se podèm perdre dins la fageda. Los traucs que son dins los arbres son de sèrvas d’aiga pels animals.
Solimea Iché
Los animals de la Fageda
En Garrotxa, i a d’animals coma la sèrp, l’esquiròl, lo singlar o lo rainal e fòrças insèctes.
Cloe Sablier
La caça als insèctes
L’aprèp miègjorn del segond jorn de la classa de descobèrta, faguèrem una caça als insèctes.
Trapèrem un clapet, una catarineta, un abelhard e plen d’autras bestiòlas.
Maelia Bourva
Las aucas
En classa de descobèrta vegèrem d’aucas. Plen d’enfants las seguissián.Puèi las aucas se banhèron e a costat i aviá de rits .Aprèp los rits s’envolèron.
Sasha Dias lasserre
Los gosses
Lo segond jorn avèm vist un gos, l’avèm sonat Saucissa. Lo divendres de matin avèm vist un gos blanc tot pelut.
Camilha Chamboredon
La cantina
A la cantina los repaísses èran plan bons e lo monde èra brave. Cadun aviá un platèu. Tot m’agradèt.
Lou-Ann Michel
Los dormitòris
Dormissiám dins dos grands dormitòris.
Lo primièr jorn, dins la cambra dels garçons, èra lo rambalh.
Emile Saux Pardo
Lo magician
Lo dimars de ser venguèt un magician que se disiá Nani. Per un torn demandèt a Zoe e Mohamed de participar. Zoe tirava del capèl un mocador verd mas quand Mohamed lo preniá èra roge. A la fin es un aucèl que sortiguèt del capèl.
Camille Benech
Lo fotbòl
Pendent los quatre jorns avèm jogat al fotbòl aprèp los repaisses. Avèm jogat Falabreguièrs contra Ametlièr. Era malaisit de marcar que lo gardian èra fòrt. Pasmens ganhèrem tres partidas.
Robin Taurines
La caça al tresaur
Lo segond jorn, aprèp la cantina nos sèm amusats puèi, a la nuèch d’animators son venguts. Cadun aviá sa lampa. Los adultes faguèron las còlas. Trapèrem lo tresaur, èra de peças en chocolat.
Eloisa Genieys
La serada
Dijòus de ser, aprèp lo repais avèm dançat . Quasi tot lo monde dançava. I aviá la Macarena, Soprano e plen d’autras
musicas.
Alexis Oustry
La troisième édition de la fête de la soupe s’est tenue ce vendredi 23 novembre à l’Ametlièr. Une quarantaine de goûteurs étaient présents.
Oyez oyez chers parents,
Adieu parents,
Lo 6 de mai èra la passejada occitana a Vendres. I aviá una passejada lo matin a 10 oras e una autra a 14 oras. Al mitan del percós i aviá un observatòri d’aucèls. A la fin de la passejada i aviá una fèsta.
